152               TESTAMENTS ENREGISTRÉS AU PARLEMENT DE PARIS            (392)
promeu à la dicte abbaye, ycelui testateur presta grant somme de de­niers, comme il appert par les lettres sur ce faictes, de laquele somme il doit encores une partie, ycelui testateur volt et ordonna que, se au temps de son decès il lui devoit encores mile livres Tournois,ou au des­soubz, il en demeure quicte et paisible; et s'il lui en devoit plus de mile livres, qu'il demeure quicte d'iceulx mile, et que le seurplus qu'il *                                    devroit encores il soit astraint et chargié en sa conscience de distribuer
pour Dieu en euvres piteables, et pour faire prier pour l'ame du dit testateur.
Item, pour ce que le dit abbé est disposé de demourer à Paris et lire en la Faculté de Decretz, en laquele il est docteur, le dit testateur lui donna et laissa après son decès l'usuffruit et viagé de sa maison d'Ar­cueil et des vignes, terres, rentes et appartenances qu'il a en la dicte ville d'Arcueil, ou terrouer d'icelle et es lieux d'environ, et aura au temps de son decès, pour en jouir, lever et parcevoir les fruiz par le dit abbé tant qu'il vivra, parmi ce qu'il sera tenu de les soustenir en bon estat et de paier les charges que yceulx heritages doivent.
Item, il laissa au dit abbé, son nepveu, jusques à soixante marcs d'argent de sa vaisselle blanche ou verée, en poz, hanaps, gobeletz, platz et escuelles, à l'ordenance de ses autres executeurs, et certains pe-tiz vaisseaulx d'argent portatifz pour servir à un autel, c'est assavoir, calice, buiretes, clochete, paix, boeste et petiz chandeliers qui sont en­semble, pour en faire de tout à son plaisir, tant pour son user comme pour vendre, donner ou autrement aliéner.
Item, il lui laissa et donna encores le Rosaire qui est sur le Decret, Cathon moralizié, Boece de Gonsolacion, la Legende dorée, Saint Au­gustin de Trinitale, le livre de Virtutibus et Diviciis (corr, de Viciis), les Epistres de maistre Richart de Polus et de Pierre de Vignes, l'Istoire de Troye en un volume couyert de cuir vermeil sur ays, et les Marti-nianes en un petit volume couvert de Cuirblanc sur ays; lesquelz le dit abbé ne pourra aliéner, mais après son decès demourront à tousjours mx abbé et convent de la dicte eglise de Saint Remy.
Item, le dit testateur laissa au dit abbé l'une de ses mules qu'il aura